ევროსაბჭოში ევროპის სახალხო პარტიის პრეზიდენტი პედრო აგრამუნტი შემაშფოთებელს უწოდებს იმ ფაქტს, რომ საქართველოში ყოფილი ხელისუფლების წარმომადგენლები ციხეში იმყოფებიან.

ამის შესახებ აგრამუნტმა PAСE-ს პლენარულ სესიაზე სიტყვით გამოსვლისას განაცხადა.

„ვამაყობ, რომ "ევროპის სახალხო პარტიას" წარმოვადგენ. ანგარიშის თეზისები საკმაოდ ნათელია. თქვენ წარმოადგენთ საქართველოს სახელისუფლებო პარტიას. შესაბამისად აზრთა სხვადასხვაობა ბუნებრივია. ის, რომ ყოფილი ხელისუფლების ნახევარი ციხეშია, ნაწილმა კი ქვეყანა დატოვა, შემაშფოთებელია. წინასწარი პატიმრობა უნდა გამოიყენებოდეს იმ შემთხვევებში, როდესაც არსებობს ბრალდებულის ქვეყნიდან მიმალვის ან დანაშაულის ჩადენის ნათლად გამოკვეთილი საფრთხე“, - ამბობს აგრამუნტი.