ევროპის საბჭოს საპარლამენტო ასამბლეამ ადამიანის უფლებათა ევროპული კონვეციის მონაწილე ქვეყნებში წინასწარი პატიმრობის ბოროტად გამოყენებასთან დაკავშირებით რეზოლუცია 89 ხმით 10-ის წინააღმდეგ მიიღო. ევროსაბჭოს დეპუტატებმა "ქართული ოცნების" წარმომადგენლების მიერ ინიცირებული ძირითადი შესწორებები არ გაითვალისწინეს.

რეზოლუციის ტექსტში წინასწარი დაკავების პოლიტიკური მიზნებით გამოყენებასა და პოლიტიკურ დევნაზეა საუბარი. რეზოლუციის თანახმად საქართველოში პოლიტიკური ოპონენტების დისკრედიტაცია ან სხვა გზით განეიტრალება ხდება , მაგალითად საქართველოში "ერთიანი ნაციონალური მოძრაობის" ლიდერთა კონკრეტული საქმეებია მოყვანილი.

დოკუმენტში ასევე წერია, რომ საქართველომ მიიღო რეფორმები და პრაქტიკული ზომები, რამაც წინასწარ პატიმრობაში მყოფ პირთა მნიშვნელოვანი შემცირება და დაკავებულთა მიმართ მოპყრობა გააუმჯობესა, თუმცა პატიმრობის სფეროში დარღვევები კვლავ ფიქსირდება.

რეზოლუციის მიხედვით წინასწარი პატიმრობის სფეროში არსებული დარღვევების ერთ-ერთი ძირითადი მიზეზი პროკურატურის "forum-shopping" შესაძლებლობაა, რაც სასიკეთო შედეგის მიღების მიზნით საქმის სასამართლოსთვის გადაცემას გულიხმობს. ეს ისეთი სტრატეგიების ჩამოყალიბების შესაძლებლობას იძლევა, რაც არის მაგალითად კონკრეტულ საქმეებში წინასწარი პატიმრობის მოთხოვნა, ისეთი მოსმაართლის მიერ , რომელიც სხვადასხვა მიზეზის გამო სხვებთან შედარებით დამთმობი იქნება.

წინასწარი პატიმრობის სფეროში არსებული დარღვევების კიდევ ერთ მიზეზად ასევე დასახელებულია პროკურატურის შესაძლებლობა , არ გაითვალისწინოს წინასწარი პატიმრობის შესახებ კანონით დადგენილ ვადები, და არ მოახდინოს საბრალდებო აქტების შეცვლა ან რეგულირება.

ევროპის საბჭოს საპარლამენტო ასამბლეა საქართველოს შესაბამისი ზომების მიღებისკენ მოუწოდებს , რაც გულისხმობს პროკურატურის მხრიდან forum-shopping-ის გამოყენების პრევენციას, წინასწარი პატიმრობის გამოყენებისგან თავის შეკავებას გარდა იმ შემთხვევებისა, როდესაც ხორციელდება მართლმსაჯულება. ასევე მოუწოდებს გაათავისუფლოს ყველა ის პატიმარი, რომელიც არასამართლებრივად არის დაკავებული