პრეზიდენტი გიორგი მარგველაშვილი კიდევ ერთხელ განმარტავს, რომ რადარებიდან საქართველოს გაქრობასთან დაკავშირებითაც მოსაზრებას ეთანხმება.

მისი თქმით, ქართველი პოლიტიკოსები აქტიურად მუშაობენ, რომ ქართული პრობლემატიკა აშშ-ის რადარებამდე მივიტანოთ.

„მე დავეთანხმე იმ მოსაზრებას, რომელიც იყო გამოთქმული, რომ საქართველო აქტიური რადარებიდან გაქრა. პასუხი იმაზე რა უნდა გაკეთდეს, მემგონი ამაზე დარბაზის პირველ რიგებში შეგიძლიათ იხილოთ. თქვენ ხედავთ არაერთი ქართველი პოლიტიკოსების დელეგაციას, რომელიც ვაშინგტონში არიან, ქართული დელეგაცია დღეს ნიუ იორკში მუშაობს. ეს არის ის აქტიური და აგრესიული პოლიტიკა, რომელსაც ჩვენ ვახორციელებთ, რომ ქართული პრობლემატიკა და ქართული საკითხები შეერთებული შტატების რადარებთან მივიტანოთ", - განაცხადა გიორგი მარგველაშვილმა.