ვაშინგტონში, საქართველოს საელჩოში გიორგი მარგველაშვილის ქართულ დიასპორასთნ შეხვედრის დროს მცირე ინციდენტი მოხდა. დარბაზში მჯდომმა ერთ-ერთმა მამაკაცმა, რომელიც მისი თქმით, ომის ვეტერანია პრეზიდენტთან დახურულ კარს მიღმა შეხვედრა მოითხოვა.

როგორც გაირკვა მას პრეტენზიები თავდაცვის უწყებასთან ჰქონდა. მამაკაცს გენერალური შტაბის ხელმძღვანელი ვახტანგ კაპანაძე გამოეხმაურა.

მოგვიანებით ინციდენტთან დაკავშირებით განმარტება გენერალური შტაბის ხელმძღვანელმა გააკეთა.

„ადამიანია და აღელდა გასაგები მიზეზების გამო, მოთხოვნები არ ქონდა, მას ქონდა პრეტენზია, რომ თავდაცვის უწყება ძველი დროიდან არ მოექცა, ჰქონდა პრეტენზია, რომელიც არ იყო გამოკვლეული დღემდე, მისი ყველა პრეტენზია 2010-2011 წლიდან ინსპექციას აქვს გადაცემული, რომელიც იძიებდა“, -განაცხადა ვახტანგ კაპანაძემ.