„ნაციონალური მოძრაობის“ წევრი ირმა ნადირაშვილი ქვეყანაში კრიმინოგენული სიტუაციის გაუარესებაზე საუბრობს.

მისი თქმით, ხელისუფლებამ არ შეასრულა დანაპირები, რომ შინაგან საქმეთა სამინისტრო დეპოლიტიზირებული იქნებოდა.

„პოლიცია ბიძინა ივანიშვილის და მისი პინგვინების სიმშვიდის სადარაჯოზე გადაიყვანეთ. ისინი ივანიშვილის სახლთან გუშაგებად აქციეთ. პოლიციიდან პროფესიონალები გაყარეთ და მათ ნაცვლად ბერა ივანიშვილის „ტრაილერის“ მძღოლი ოცმეთარურად დააყენეთ. სუს-ის უფროსად ივანიშვილის დაცვის უფროსი დანიშნეთ, რომლის ერთადერი მოვალეობაა პოლიტიკური ოპონენტების თვალთვალი და კომპრომატების მოგროვება. ამ ფონზე, იზორიას ძმა სპეციალური საშვით გადაადგილდება და ყველასთვის საამაყო პატრული მთვრალი მექორწილეების გამცილებლად გადააქციეთ. პროკურატურას ორჯერ მივმართეთ, რომ საქმის კურსში ჩავეყენებინეთ ეკა ყურშიტაშვილთან დაკავშირებით, თუმცა, მათ დუმილი არჩიეს. გამოფხიზლდეთ, სანამ სისტემა თავზე ჩამოგექცევათ“, - განაცხადა ირმა ნადირაშვილმა.