ე.წ. "ნარუშილოვკებთან" დაკავშირებით 2009 წლის ბრძანება ძალადაკარგულად გამოცხადდა და აღნიშნული საშვები ჩამორთმევას და განადგურებას ექვემდებარება.

ამის შესახებ საგანგებო ბრიფინგზე საქართველოს შინაგან საქმეთა მინისტრმა გიორგი მღებრიშვილმა განაცხადა.

"მივიღე გადაწყვეტილება და ხელი მოვაწერე ბრძანებას, რომლის თანახმად 2009 წლის სრულიად საიდუმლო ბრძანება და მის საფუძველზე გაცემული სპეციალური საშვები ძალადაკარგულად გამოცხადდა. შესაბამისად, ჩემი დავალებით აღნიშნული საშვები მფლობელებს ჩამოერთმევა და განადგურდება. ახალი საიდუმლო ბრძანება რამდენიმე დღეში ამოქმედდება და მოაწესრიგებს საშვების გაცემის, გამოყენების, კონტროლის და მათი ჩამორთმევის წესს", - განაცხადა მღებრიშვილმა.

შეგახსენებთ “ნარუშილოვკა” სპეციალური საშვია რომლის მქონე პირის შემთხვევაში არც პოლიციას და არც სხვა დანაყოფს არაქვს უფლება მის მქონე პირს ჰკითხოს სახელი ან გვარი, გაუჩხრიკოს მანქანა და ან საერთოდ გაჩეროს.

სკანდალური ვიდომასალებში საპატრულო პოლიციის უფროსმა ლეიტენანტმა გიორგი ბაბუნაშვილმა გაავრცელა, კადრების მიხედვით ჩანს რომ “ნარუშილოვკები” მაღალჩინოსნებმა ნათესავებსა და მეგობრებს დაურიგეს.