საქართველოს პრეზიდენტი უკრაინელი მფრინავის გათავისუფლების აქციას შეუერთდა

პოლიტიკა - 14:09, 30 Sep, 2015

1441

საქართველოს პრეზიდენტის აშშ-ში ვიზიტი გრძელდება , დღეს საქართველოს პრეზიდენტი ვაშინგტონში ვიზიტს და ამერიკის სენატორებთან და კონგრესმენებთან შეხვედრასაც გეგმავს.

მარგველაშვილი გუშინ უკრაინელი მფრინავის ნადეჟდა სავჩენკოს გათავისუფლების აქციას შეუერთდა, რომელშიც სხვადასხვა ქვეყნის ლიდერებმა მიიღეს მონაწილეობა.

უკრაინელი მფრინავის გათავისუფლების სიმბოლური აქციის სურათი ტვიტერის ოფიციალურ გვერდზე ლიტვის საგარეო საქმეთა მინისტრმა ლინას ლინკევიჩიუსმაც გამოაქვეყნა, წარწერით:

"გაეროს გენერალური ასამბლეა საუკეთესო დროს და ადგილს წარმოადგენს იმისთვის, რომ, კიდევ ერთხელ, ერთად მოვუწოდოთ რუსეთს გაათავისუფლოს სავჩენკო."

აქციაში მონაწილეობა მარგველაშვილის და ლინკევიჩუსის გარდა აშშ-ის ყოფილმა სახელმწიფო მდივანმა მადლენ ოლბრაიტმა და საქართველოს დელეგაციის წევრებმა მიიღეს. მათ შორის არიან "თავისუფალი დემოკრატების" ერთ-ერთი ლიდერი ზურაბ აბაშიძე, "ნაციონალური მოძრაობის" დეპუტატი გიგი წერეთელი, უშიშროების საბჭოს ყოფილი მდივანი, ეკა ტყეშელაშვილი.

ნადეჟდა სავჩენკო 2014 წლის ივნისში ლუგანსკში ტყვედ ჩაიგდეს და მოსკოვში გაიტაცეს. მას შემდეგ ის უკანონო პატიმრობაში იმყოფება. 2015 წლის 6 მაისს მოსკოვის ბასმანის სასამართლომ მისი საქმე განიხილა და კვლავ წინასწარ პატიმრობაში დატოვა.