ტუბერკულოზის, შიდსისა და მალარიის პროგრამების დაფინანსება ბიუჯეტიდან მოხდება

პოლიტიკა - 14:02, 30 Sep, 2015

1300

„გლობალური ფონდი გადის საქართველოდან, რადგან დარწმუნდა, რომ შეუძლია მნიშვნელოვანი პროექტების დამოუკიდებლად მართვა“, - ასე გამოეხმაურა ჯანდაცვის მინისტრი დავით სერგეენკო საქართველოდან ფონდის გასვლას.

შიდსთან, ტუბერკულოზთან და მალარიასთან ბრძოლის გლობალური ფონდის (GFATM) მიერ შემოღებულ დაფინანსების ახალ მოდელზე გადასვლასთან დაკავშირებით, აღმოსავლეთ ევროპისა და ცენტრალური აზიის (EECA) ქვეყნებმა უნდა შეიმუშაონ საერთაშორისო დაფინანსებიდან, ეროვნულ დაფინანსებაზე გადასვლის გზები და დაიწყონ შესაბამისი სამოქმედო გეგმების შემუშავება, რომელიც შემდგომ 5 წლის განმავლობაში განსაზღვრავს დონორულ და ეროვნულ დაფინანსებასთან დაკავშირებულ დეტალებს.
საქართველოს შემთხვევაში, ტუბერკულოზის, შიდსისა და მალარიის პროგრამების დაფინანსება 3 წლის შემდეგ სრულად ბიუჯეტიდან მოხდება. ამ დროის განმავლობაში ეტაპობრივად გაიზრდება სახელმწიფოს წილი დაფინანსების კომპონენტში.

სწორედ ამ თემაზე გაიმართა სამ დღიანი რეგიონული შეხვედრა „გზა წარმატებისკენ“. საქართველოს მთავრობასა და შიდსთან, ტუბერკულოზთან და მალარიასთან ბრძოლის გლობალურ ფონდს შორის ჩარჩო ხელშეკრულება გაფორმდება, რომელსაც საქართველოს მხრიდან ხელი მოაწერა შრომის, ჯანმრთელობისა და სოციალური დაცვის მინისტრმა დავით სერგეენკომ, ხოლო გლობალური ფონდიდან - ფონდის აღმასრულებელი დირექტორი - მარკ დაიბლიმ. მანვე განაცხადა, რომ საქართველომ დაამტკიცა, რომ მზად არის თავისთავზე აიღოს ისეთი მნიშვნელოვანი პროგრამების დაფინანსება, როგორიც შიდსი, ტუბერკულოზი და მალარიაა.

რეგიონულ შეხვედრაში, საქართველოსთან ერთად მონაწილეობენ ევროკავშირის, აღმოსავლეთ ევროპისა და ცენტრალური აზიის ქვეყნების (EECA) წარმომადგენლები, მათ შორის: სომხეთი, აზერბაიჯანი, ბელარუსი, ბულგარეთი, ესტონეთი, ყაზახეთი, ყირგიზეთი, ლატვია, ლიტვა, მაკედონია, მოლდოვა, რუმინეთი, სერბეთი, ტაჯიკეთი, უკრაინა, უზბეკეთი. 300-ზე მეტი დელეგატი, 30 ქვეყნიდან 3 დღის განმავლობაში (28-30 სექტემბერი) თბილისში, გლობალური ფონდის მიერ ორგანიზებულ შეხვედრას ესწრებოდნენ.

რეგიონალურ შეხვედრაში ასვე მონაწილეობას იღებენ ჯანდაცვის მსოფლიო ორგანიზაციის ევროპის რეგიონული ოფისის ხელმძღვანელი ჟუჟანა ჯაკაბი, ლიტვის ჯანმრთელობის დაცვის მინისტრი, რეგიონის ქვეყნების მაღალი თანამდებობის მქონე პირები (მინისტრის მოადგილეები, ტუბერკულოზისა და შიდსის პროგრამების ეროვნული კოორდინატორები), გაეროს პროგრამების