მერიის კეთილმოწყობის საქალაქო სამსახურის უფროსმა ავთანდილ სუდაძემ თანამდებობა დატოვა. როგორც ცნობილია, სუდაძე სამსახურიდან პირადი განცხადების საფუძველზე წავიდა.

აღნიშნულთან დაკავშირებით მერია განმარტებას ოდნავ მოგვიანებით გააკეთებს.

პარალალელურად დღეს საკრებულოს „ნაციონალური მოძრაობის“ წევრებმა საგანგებო ბრიფინგი გამართეს, სადაც მერიის კეთილმოწყობის სამსახური ბიუჯეტის არამიზრნობრივად ხარჯვაში დაადანაშაულეს.

„სუდაძის გადაყენება დავით ნარმანიას მხრიდან არის აღიარება, რომ მისი სამთავრობო გუნდი მოუმზადებელი და უნიათოა იმ პრობლემებთან გასამკლავებლად, რომელიც მათ ქალაქში შექმნეს. მოვუწოდებთ ნარმანიას, სუდაძესთან ერთად შეცვალოს თბილისის მთავრობის მთელი გუნდი“, - განაცხადა ირაკლი აბესაძემ.