ნიო-იორკში, გაეროს შენობასთან რუსეთის პრეზიდენტის საწინააღმდეგო აქცია მიმდინარეობს. ადგილზე შეკრებილები არიან ქართველები, უკრაინელები და ბელორუსები. ისინი მოითხოვენ, რომ საქართველოს და უკრაინის ტერიტორიიდან რუსეთის ჯარი გავიდეს. ასევე აქციის მონაწილეები ნადია სავჩენკოს გათავისუფლების მოთხოვნასაც აყენებენ.

„პუტინი ქილერია“, „პუტინი ჰიტლერია“ - სკანდირებენ ადგილზე შეკრებილები.

გაეროს გენერალური ასამბლეის 70-ე სესია ცოტა ხნის წინ გაიხსნა. მისასალმებელ სიტყვაში, გაეროს გენერალური მდივანი დარბაზში შეკრებილ სახელმწიფო მეთაურებს მიესალმა და გაერთიანებული ერების ორგანიზაციის მნიშვნელობაზე ისაუბრა.

გაეროს გენერალური ასამბლეის 70-ე სესიაზე სიტყვით გამოვიდა რუსეთის პრეზიდენტიც.