საქართველოს ყოფილი პრემიერ-მინისტრი ბიძინა ივანიშვილი რუსთავში ავღანეთში გარდაცვლილი ქართველი სამხედროს პანაშვიდს დაესწრო.

ივანიშვილმა ვასილ ყულჯანიშვილის ოჯახს მიუსამძიმრა და მომხდარის გამო მწუხარება გამოთქვა.

„მისი სახელი სამუდამოდ ჩაიწერა ქართველ გმირთა და პატრიოტთა დიდ წიგნში. ქართული საზოგადოება, თითოეული ჩვენგანი დიდ პატივს მიაგებს მის ოჯახს, ვინც ასეთი გმირი და ვაჟკაცი გაუზარდა ჩვენს სამშობლოს. მან მტერსაც და მოყვარესაც თვალნათლივ აჩვენა, რომ ქართული მხედრული სული ისევ ცოცხლობს და იბრძვის, რათა ჩვენმა ხალხმა შეინარჩუნოს თავისი ღირებულებები და განვითარდეს თანამედროვე დემოკრატიულ სამყაროსთან ერთად. ღმად მწამს, ვასილ ყულჯანიშვილის და სხვა ქართველ გმირთა თავგანწირვა უკვალოდ არ ჩაივლის და ჩვენ აუცილებლად ავაშენებთ ისეთ საქართველოს, რომელზეც მართლა ვოცნებობდით", - განაცხადა ბიძინა ივანიშვილმა.

ავღანეთში დაღუპულ ქართველ ჯარისკაცს, პირველი კლასის რიგითს, ვასილ ყულჯანიშვილს რუსთავის სასაფლაოზე ხვალ, 29 სექტემბერს, 14:00 საათზე დაკრძალავენ.