იუსტიციის მინისტრის მოადგილის ალექსანდრე ბარამიძის თქმით, ხელისუფლება დაინტერესებულია, რომ ევროსაბჭოს საპარლამენტო ასამბლეის მიერ მიღებული რეზოლუციის ტექსტი იყოს ობიექტური.

როგორც ბარამიძემ სტრასბურგში, ჟურნალისტებთან საუბრისას განაცხადა, საქართველოს ხელისუფლებას სურს, რომ ევროსაბჭომ საქართველოში ჩატარებული რეფორმების შესახებ სწორი ინფორმაცია მიიღოს.

„ჩვენი მიზანია, რომ ევროპის საბჭოს საპარლამენტო ასამბლეას ჰქონდეს ობიექტური ინფორმაცია იმ რეფორმების თაობაზე და იმ გაუმჯობესებების თაობაზე, რომლებიც პრაქტიკაში ხორციელდება. ჩვენი დაინტერესებული, ვართ რომ საპარლამენტო ასამბლეამ ობიექტური რეზოლუცია მიიღოს“, - განაცხადა ალექსანდრე ბარამიძემ.

სტრასბურგში ევროსაბჭოს საპარლამენტო ასამბლეის სესია მუშაობას შეუდგა, რომლის მთავარი თემა ლტოლვილების კრისიზი იქნება.

ამავე კვირაში საპარლამენტო ასამბლეა წინასწარი პატიმრობის ბოროტად გამოყენების შესახებ რეზოლუციის განიხილავს. დოკუმენტზე ხუთშაბათის სხდომაზე იმსჯელებენ და მისი საბოლოო შინაარსიც მაშინ გახდება ცნობილი. აღნიშნულ რეზოლუციაში მოხსენიებულია საქართველოც.