”მარგველაშვილის ადგილი ისტორიაში გაიზომება იმით, შეიწყალებს თუ არა ის გიგის, ვანოს და ბაჩოს”

პოლიტიკა - 10:22, 28 Sep, 2015

4131

საქართველოს მესამე პრეზიდენტი მიხეილ სააკაშვილი ფიქრობს, რომ საქართველოს მოქმედმა პრეზიდენტმა გიორგი მარგველაშვილმა გიგი უგულავა, ვანო მერაბიშვილი და ბაჩო ახალაია უნდა შეიწყალოს.

ეს განცხადება საქართველოს ყოფილმა პრეზიდენტმა პოსტსკრიპტუმთან საუბრის დროს გააკეთა.

ის ამბობს, რომ ბაჩო ახალაიამ ქართული შეიარაღება შექმნა, ვანო მერაბიშვილმა პოლიცია, ხოლო გიგი უგულავამ ყველა სხვა დანარჩენზე მეტი ააშენა თბილისში.

"დიდხანს ველაპარაკე სკაიპით. მინდოდა დამენახა. ძალიან კარგი ადამიანია. რაღაცნაირად მომეჩვენა დაბრძენებული და დაღვინებული. მე იქვე ვუთხარი, რომ ხვალვე ჩაგსვამენთქო, თვითონ მაინც არ ეგონა. თვითონ უკეთესი წარმოდგენის იყო იმ გაფუჭებულ ხალხზე ვიდრე მე. მე უფრო რეალისტურად ვუყურებ. კონკრეტულად გიორგი მარგველაშვილის ადგილი ისტორიაში, ჩემი აზრით რათქმაუნდა მე არც მისი მრჩეველი არ ვარ და არც სხვა ურთიერთობები არ მაქვს, გაიზომება იმითი, შეიწყალებს თუა რა ის იმ სამ ადამიანს, რომელმაც წარმოდგენელი რამ გააკეთეს საქართველოსთვის. ადამიანმა რომელმაც შემნა ქართული შეიარაღება, ადამიანმა რომელმაც შექმნა პოლიცია, ადამიანმა რომელმაც უფრო მეტი ააშენა თბილისში ვიდრე ვინმე სხვამ ოდესმე, საუბარია გიგიზე, ვანოზე და ბაჩოზე,"- განაცხადა მიხეილ სააკაშვილმა.