ნაციონალური მოძრაობის წევრის, პარლამენტარ პეტრე ცისკარიშვილის თქმით, საქართველოს პრემიერ მინისტრის, ირაკლი ღარიბაშვილის გამოსვლა ყველანაირად აცდენილი იყო იმ გზავნილებს, რომელიც საქართველოს პრემიერ-მინისტრს უნდა მიეწოდებინა ამ მაღალი ფორუმისთვის.

ამის შესახებ ცისკარიშვილმა "კურიერთან" საუბრისას განაცხადა.

„ძალიან სუსტი გამოსვლა იყო. არ ჩანდა მომავლის ხედვა. არ იყო საუბარი იმაზე, თუ რა სჭირდება ქვეყანას, რა აწუხებს ჩვენს ხალხს. ერთგვარად მომაგონა შევარდნაძის გამოსვლა ციფრულ განხეთქილებაზე რომ საუბრობდა. ყოველგვარი შინაარსისგან დაცლილი, წყალ-წყალა გამოსვლა იყო,“ - აცხადებს ცისკარიშვილი.

დეპუტატს პრემიერის გამოსვლიდან ერთადერთი ენერგეტიკაზე მისი განცხადებები მიაჩნია გამართლებულად. თუმცა, მისი განცხადებით, ირაკლი ღარიბაშვილმა ამ თემაზე საუბრისას იცრუა.

„მან მოიტყუა, როდესაც თქვა, რომ 2007 წლიდან ვატარებთ რეფორმებს და გავხდით ექსპორტიორი ქვეყანაო. სინამდვილეში ჩვენ ექსპორტიორი ქვეყანა გავხდით 2011-12 წლებში. თუმცა, მას შემდეგ, რაც ინვესტიციები გაჩერდა, ჩვენ ისევ დავუბრუნდით იმპორტირებულ ქვეყანას და გავხდით დეფიციტური ელექტროენერგიის თვალსაზრისით,“ - განმაცხადა პეტრე ცისკარიშვილმა.