აუდიტის სამსხურის დასკვნის მიხედვით, რომლიც 2012–2014 წელს მოიცავს, ორი წლის განმავლობაში საკრებულოში ანაზღაურება 3.7 მილიონი ლარიდან 8.2 მილიონ ლარამდე, ანუ 120%-ით გაიზარდა. ყველაზე მეტი თანხა პრემიებში, შტატგარეშე მომუშავეთა ანაზღაურებაში, წარმომადგენლობით ხარჯებსა და დეპუტატების მივლინებაში დახარჯა.

4-ჯერ და მეტად გაიზარდა პრემიების მოცულობაც. თუ ეს თანხა 2012 წელს 1 მილიონი ლარი იყო, 2014 წელს 4 მილიონს აღწევს. ძირითადი ტენდენციის მიხედვით, პრემია ხელფასის 200-300%-ის ოდენობით გაიცემოდა. პრემიები იმ თანამშრომლებზეც არის ჩარიცხული, რომლებიც შვებულებაში იმყოფებოდნენ.

აუდიტის დასკვნის მიხედვით, კითხვები არსებობს საკრებულოს მიერ განხორციელებულ შესყიდვებსა და ჩატარებულ ტენდერებზე.

საკრებულოს წევრები სოლიდურ თანხმებს ხარჯავენ მივლინებებზეც.

დასკვნაში მოხვდა თბილისის ბიუჯეტიდან საკრებულოს მაჟორიტარების ბიუროების შენახვისათვის გახარჯული თანხებიც. საკვებ პროდუქტებში, რესტორნებში, საჩუქრებსა და სხვადსხვა ღონისძიებებში ათობით ათასი ლარია დახარჯული.