საგარეო საქმეთა მინისტრი, გიორგი კვირიკაშვილი, გეაროს შტაბ-ბინაში ორმხრივ შეხვედრებს მართავს.

საუბრის თემები არაღიარების პოლიტიკის გაგრძელება და დევნილთა რეზოლუციის მხარდაჭერაა, რომელსაც წელიწადში ერთხელ აგრძელებს გაერთიანებული ერების ორგანიზაცია.

გიორგი კვირიკაშვილმა ჟურნალისტებთან ასევე უვიზო მიმოსვლის თემაზეც ისაუბრა .

„მინდა დავარწმუნო ჩვენი ევროპელი კოლეგები, რომ მიგრაციის საკითხები, რომლებიც დღეს ძალიან მწვავედ დგას ევროპაში, არ არის კავშირში საქართველოს ვიზალიბერალიზაციის საკითხთან და რომ ჩვენ აბსოლუტურად მზად ვართ ინსტიტუციურად, საკანონმდებლო კუთხით იმისთვის, რომ ვიყოთ პასუხისმგებელი პარტნიორი ევროპასთან ურთიერთობაში,“ - აცხადებს გიორგი კვირიკაშვილი.