რამოდენიმე წუთის წინ საქართველოს პრემიერ-მინისტრი ირაკლი ღარიბაშვილი სიტყვით გამოვიდა გაეროს 2015 წლის მდგრადი განვითარების სამიტზე.

პრემიერ-მინისტრმა განაცხადა, რომ საქართველო იწყებს სვლას ამბიციურ გზაზე, 2015 წლის შემდგომი მდგრადი განვითარების მიზნების დღის წესრიგით, რომელიც ითხოვს გაბედულ ნაბიჯებს, რათა შესაბამისი პასუხი გასცეს კაცობრიობის წინაშე მდგარ უზარმაზარ გამოწვევებს.

"2000 წელს ათასწლეულის განვითარების მიზნების სტრატეგია მართლაც რევოლუციური იყო, რადგანაც მისი მეშვეობით გამოვნახეთ საერთო ენა გლობალური გამოწვევების დასაძლევად. საქართველოში, დაინტერესებული მხარეებისთვის, ის იქცა ინსტრუმენტად, რომლის მეშვეობითაც ისინი, სამოქალაქო საზოგადოებასა და საერთაშორისო საზოგადოების წარმომადგენლებთან ერთად, მსჯელობდნენ განვითარების შესახებ, ახდენდნენ მის პრიორიტეტიზაციასა და ადვოკატირებას. მდგრადი განვითარების მიზნების დღის წესრიგის ამოქმედება ახალ ბიძგს აძლევს ამ ძალისხმევას. ამ პროცესში ჩვენ უნდა უზრუნველვყოთ 2030 წლის დღის წესრიგის მაქსიმალური საზოგადოებრივი მხარდაჭერა და ჩართულობა",- განაცხადა ირაკლი ღარიბაშვილმა.