საპარლამენტო უმრავლესობის ლიდერის პოსტზე ზვიად კვაჭანტირაძის კანდიდატურა დასახელდა.

ამის შესახებ კვაჭანტირაძემ ტელეკომპანია „იმედთან“ საუბრისას განაცხადა.

მისი თქმით, აღნიშნულ პოსტზე შეთავაზება პრემიერ-მინისტრისგან მიიღო.

"გადაწყდა, რომ პრემიერი ჩემს კანდიდატურას წარადგენს პოლიტსაბჭოს სხდომაზე. ეს მას შემდეგ მოხდება, რაც ირაკლი ღარიბაშვილი აშშ-დან დაბრუნდება. იმედი მაქვს, რომ თანამებრძოლების მხრიდან მხარდაჭერას მივიღებ",- ამბობს კვაჭანტირაძე.

შეგახსენებთ, უმრავლესობის ლიდერის პოსტი ვაკანტური მას შემდეგ გახდა, რაც დავით საგანელიძე საპარტნიორო ფონდის ხელმძღვანელად დაინიშნა.