ჟურნალისტი ინგა გრიგოლია დროებით სოფელში გადავიდა საცხოვრებლად. ამის შესახებ ის სოციალურ ქსელში წერს, სადაც ბუნების ფონზე გადაღებულ ფოტოებს ანთავსებს.

“დროებით გადმოვცხოვრდი სოფელში, სანამ სამსახურს ვიშოვი და ვარ ჩვეულებრივ სამოთხეში… ხადახან, მგონი უმუშევრობაც მაგარია”, – წერს გრიგოლია ფეისბუქზე.

მის პოსტს უამრავი გამოხმაურება მოჰყვა. ტელეწამყვანის ინფორმაციით, სოფელში დარჩენას დიდი ხნით აპირებს.

„მანდ საქმე აღარ მაქვს ჯერ-ჯერობით. უზარმაზარი ბარგით ჩამოვედი… მე აქ ვიქნები დიდი ხანი… ჯერ-ჯერობით, მიწათმოქმედებით ვაპირებ დავკავდე… ახლა პომიდორს დავთესავ და მერე დამჭირდებით… მე იძულებითი შვებულებით აღმოვჩნდი აქ. თუმცა, სინამდვილეში ვგიჟდები სოფელზე“,- წერს კომენტარებში გრიგოლია.