გარემოს დაცვის მინისტრი გიგლა აგულაშვილი პრემიების შეზღუდვასთან დაკავშირებიტ დეპუტატ ზაქარია ქუცნაშვილის ინიციატივას არ იზიარებს.

როგორც ჟურნალისტებთან საუბრისას აგულაშვილმა განაცხადა, სწორი საპრემიო პროგრამა საჯარო სამსახურის კონკურენტუნარიანობისთვის აუცილებელი პირობაა.

„პრემია აუცილებელია იმისათვის, რომ წავახალისოთ კარგი შრომა და ადამიანი გავხადოთ მოტივირებული, რომ მან უფრო მეტი შეძლოს. ამ სისტემის არსებობის გარეშე ადამიანებს არ ექნებათ მოტივაცია, რაც საჯარო სექტორს სახელმწიფო სამსახურს არაკონკურენტუნარიანს გახდის. შესაბამისად ამ ინიციატივას ვერ ვიზიარებ“, - ამბობს აგულაშვილი.

უმრავლესობის წევრი ზაქარია ქუცნაშვილი მაღალი რანგის პირებისთვის პრემიების შეზღუდვის ინიციატივით გამოდის.

დეპუტატის თქმით, შეზღუდვები მიმდინარე წელსვე შეიძლება დაუწესდეთ მინისტრებს, მოსამართლეებს და დეპარტამენტის ხელმძღვანელებს.

ქუცნაშვილის ინიციატივას საპროცედურო საკითხთა კომიტეტში განიხილავენ პირველი მოსმენით.