ბალღამის ნთხევა, ეს წარსულის პოლიტიკაა

ბალღამის ნთხევა, ეს წარსულის პოლიტიკაა - მუხრან ბურჭულაძე

პოლიტიკა - 17:19, 25 Sep, 2015

1548

"დემოკრატიული განვითარების ეროვნული ცენტრის" თავმჯდომარე მუხრან ბურჭულაძე სპეციალურ მიმართვას ავრცელებს და პოლიტიკოსებს გამოწვევას უგზავნის.განცხადებას "ნიუპოსტი" უცვლელად გთავაზობთ.
"დროს მაინც თავისი გააქვს და გვიცვლის ცხოვრების წესს მეგობრებო. აქამდე პოლიტიკოსები მხოლოდ დახმარებას, მუქთა ლუკმას და რომელიღაც პარტიის ალაგმვას თუ ლიდერის დასჯა - განადგურებას გპირდებოდნენ. თუმცა მათ ვერ ისწავლეს, რომ ქართველ ამომრჩეველს სათამაშოსავით არ უნდა მოეპყრა და ელაპარაკო მხოლოდ ბუების განდევნაზე, მას ესმის გაცილებით მეტი და მოითხოვს მეტს.
როგორც ხედავთ ქართული პოლიტიკური სპექტრი ამ მავნე ზნეს ვერ იცვლის, რიტორიკაც უცვლელი რჩება და ჩვენი მოქალაქეების ცხოვრების წესიც.
ამას იმიტომ არ ვამბობ, რომ ვინმეს შეურაცხყოფა ან თქვენი უიმედობაში ჩაგდბა მსურს პირიქით, დღეს სწორედ ჩვენი მოქალაქეების სწრაფვა და გამოცდილება მამხნევებს და თქვენც ამ ენერგიით მინდა ისაზრდოოთ.
საკმარისია ამდენი კინკლაობა და ბალღამის ნთხევა,- ეს წარსულის პოლიტიკაა. მე და ჩემი მეგობრები, ჩვენ ყველა ერთად შევცვლით ამ უპერსპექტივობას და უგზოობას, ჩვენ არ უნდა ვიკინკლაოთ და არ უნდა აღვგავოთ ვინმე, ჩვენ უნდა მივეჩვიოთ თანამშრომლობას. მე ვერასოდეს დავუჭერ მხარს მუქთად კვებას, უსაქმურობას, ლაყაფს და დროის ფლანგვას. ჩვენს წინაშე ახალი გამოწვევებია და ამას ყველა ერთად გავუმკლავდებით. ჩვენ ვიშრომებთ თავდაუზოგავად და სხვასაც იგივეს ვაიძულებთ, იძულება კი იქნება ყველას ჩართულობა ამ ასპარეზში.
შრომა და განვითარება უნდა იყოს თითოეული მოქალაქის თავისუფალი არჩევანი და ასე ავაშენებთ ახალ ქართულ სახელმწიფოს.
ქართველი ადამიანი არასოდეს ყოფილა ზარმაცი, ასეთად ჩვენი გადაქცევა სურდა მტერს და მე ვერ დავინახე სხვაგვარი მისწრაფება ადამიანებში, რომლებიც პოლიტიკაში მკვიდრდებიან. მე ვერ ვუწოდებ მათხოვრულ დახმარებას, ვაუჩერს თუ დახვნას პატრიოტულ ნაბიჯს - ეს დათვური სამსახურია.
ჩვენ აღარ გვაქვს უშრომელად ჯდომის ფუფუნება, ამიტომ ჩავჭიდოთ ხელები მაგრად და მევემზადოთ მომავლის საშენებლად!" - აცხადებს მუხრან ბურჭულაძე.