„ნაციონალურ მოძრაბაში“ „თელიასონერას“ საქართველოდან გასვლასა და კომპანია „ჯეოსელის“ გაყიდვასთნ დაკავშირებით კითხვები აქვთ.

ოპოზიციის წევრი გიორგი კანდელაკი „ჯეოსელის“ ირგვლივ განვითარებულ მოვლენებს იხსენებს იმ დროს, როდესაც მოსმენების კანონი იცვლებოდა.

„ჩვენ გვახსოვს, ჯერ კიდევ 2013 წელს ერიქსონის ერთერთი თავკაცის განცხადება, რომ საქართველოს ახალი მთავრობა ცდილობდა, დიდი რაოდენობა მოსასმენი მოწყობილობა შეეძინა, მოქალაქეების უპრეცედენტო რაოდენობისთვის მოესმინა. ჯეოსელში სამართალდამცავის შესვლა და დოკუმენტაციის ამოღება გვახსოვს, რათა მონაცემებზე სრული წვდომა ჰქონდათ და რაც შეიძლება მეტი ადამიანისთვის მოესმინათ. გასაგებია, რომ კომპანია რაღაც ეტიკეტს იცავს განცხადებებში, მაგრამ ამ ფონზე ძალიან ბევრი კითხვის ნიშანი ჩნდება“, - განაცხადა გიორგი კანდელაკმა.

"ჯეოსელის" მფლობელი კომპანია "თელიასონერა", სტრატეგიას იცვლის და ევრაზიის რეგიონში წარმომადგენლობს ამცირებს. მათ შორის არის საქართველოც.

კომპანია ქვეყნიდან გასვლას გეგმავს და შედეგად ახლო მომავალში „ჯეოსელს“ გაყიდის. საქართველოს გარდა „თელიასონერა" უზბეკეთიდან, მოლდოვადან, ყაზახეთიდან, აზერბაიჯანიდან და ტაჯიკებიდანაც გადის და აქცენტს ევროპასა და შვედეთზე გააკეთებს.