საქართველოში აშშ-ის ელჩის მოადგილე ნიკოლას ბერლინერი შიდა ქართლში, საოკუპაციო ხაზის მიმდებარე სოფლებში მცხოვრებ მოსახლეობას შეხვდა. იგი ადგილზე შექმნილ ვთარებას გაეცნო. ბერლინერი დვანიდან ახალგაზრდების გატაცების ფაქტსაც გამოეხმაურა და აღნიშნა, რომ ეს არის უკანონო ქმედება.

„მსგავსი ინციდენტები ვითარების გაუმჯობესებას ხელს არ უწყობს და მხოლოდ უკანონო ოკუპაციას ასახავს. შეერთებული შტატების პოზიცია ნათელია და ის არ შეცვლილა. ჩვენ არ ვაღიარებთ დეფაქტო რეჟიმებს ამ ტერიტორიებზე, ჩვენ ვაღიარებთ და მხარს ვუჭერთს აქართველოს ტერიტორიულ მთიანობას“, - განაცხადა ნიკოლოზ ბერლინერმა.

ტატო და დიტო მამაგულაშვილები ოკუპანტებმა გუშინ გაიტაცეს.

შემთხვევა მაშინ მოხდა, როდესაც ისინი მდინარე ფსაზე სათევზაოდ იყვნენ წასულები.

გავრცელებული ინფორმაციით, რუსეთის საოკუპაციო ძალების წარმომადგენლები ქართული მხარის მიერ კონტროლირებად ტერიტორიაზე გადმოვიდნენ და მამაგულაშვილები აიყვანეს.