საქართველოში აშშ-ის ელჩი იან კელი ავღანეთში დარუპული ქართველი სამხედროს ოჯახს კიდევ ერთხელ უსამძიმრებს.

როგორც თბილისის აეროპორტში ელჩმა განაცხადა, დღევანდელი დღე როგორც ქართველი, ისე ამერიკელი ხალხისთვის სამწუხარო დღეა.

"მწუხარება მინდა გამოვხატო როგორც ოჯახის, ასევე მთელი საქართველოსადმი. შემძრა სიმამაცემ, რომელიც გამოავლინა რიგითმა ყულჯანიშვილმა. ვუსამძიმრებ თქვენს ქვეყანას და განსაკუთრებით რიგითის ოჯახს", - განაცხადა კელიმ.

ავღანეთში დაღუპული ქართველი სამხედრო ვასილ ყულჯანიშვილი საქართველოში ჩამოასვენეს. თბილისის აეროპორტში ცხედრის ჩამოსვენების დროს დაღუპული სამხედროს ოჯახის წევრები, პრეზიდენტი, თავდაცვის მინისტრი თინათინ ხიდაშელი, გენერალური შტაბის უფროსი და საქართველოში აშშ-ის ელჩი იმყოფებოდნენ.