უმრავლესობის წევრი ზაქარია ქუცნაშვილი მაღალი რანგის პირებისთვის პრემიების შეზღუდვის ინიციატივით გამოდის.

დეპუტატის თქმით, შეზღუდვები მიმდინარე წელსვე შეიძლება დაუწესდეთ მინისტრებს, მოსამართლეებს და დეპარტამენტის ხელმძღვანელებს.

ქუცნაშვილის ინიციატივას საპროცედურო საკითხთა კომიტეტში განიხილავენ პირველი მოსმენით.

„ეს უკავშირდება ერთის მხრივ, რომ მხარი დაუჭიროთ მთავრობის პოლიტიკას ქამრების შემოჭერის თაობაზე, ხოლო მეორეს მხრივ ის გამაღიზიანებელი ფაქტორი, რომელიც საზოგადოებაში არსებობს პრემიებთან დაკავშირებით. ჩემი ინიციატივის მიხედვით, მაღალი რანგის თანამდებობის პირებს პრემიების აღების უფლება დროებით შეეზღუდებათ“, - ამბობს ქუცნაშვილი.

უმრავლესობის დეპუტატის ინიციატივას მხარს უჭერენ საპარლამენტო უმცირესობაში.