ჩემს წინამორბედს პატივს ვცემდი, რადგან თქვენნაირებს ხმას არ აღებინებდა

ჩემს წინამორბედს პატივს ვცემდი, რადგან თქვენნაირებს ხმას არ აღებინებდა - წულუკიანი კანდელაკს

პოლიტიკა - 14:38, 24 Sep, 2015

3178

იუსტიციის მინისტრი თეა წულუკიანი პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე, სადაც "საერთო სასამართლოების შესახებ" კანონში ცვლილებების პროექტს განიხილავენ სიტყვით გამოვიდა. მინისტრის მიმართ დეპუტატ გიორგი კანდელაკის მიერ დასმული რამდენიმე კითხვის საპასუხოდ თეა წულუკიანმა განაცხადა, რომ კანდელაკის კითხვები არასერიოზულია.
მან ასევე აღნიშნა, რომ გიორგი კანდელაკი დასავლეთში პარტნიორებთან არასწორ ინფორმაციებს აგზავნის, რაც რამდენიმე პოლიტიკოსმა პირადი საუბრისას აღნიშნა.

მისი თქმით, იგი პატივს სცემს იუსტიციის ყოფილ მინისტრს, იმის გამო, რომ გიორგი კანდელაკისნაირებს ხმას არ აღებინებდა.

"ჩემი წინამორბედი არ მომწონდა, მაგრამ ერთ რამეში ვცემდი და დღესაც ვცემ პატივს, რომ თქვენნაირებს ხმას არ აღებინებდა. მე კიდევ იმიტომ ვარ მასზე უკეთესი, რომ თქვენ ხმას გაღებინებთ.

ძალიან მიხარია, რომ მობრძანდით და ალბათ, მმართველი კოალიციის არც ერთ წევრს, რომ დამინახა მოსული ვარ, არ გამოუჩქარია და არ მოვარდნილა, რომ დამანახეთ ჩემი საყვარელი იუსტიციის მინისტრიო, თქვენ ეს გააკეთეთ და მადლობა ამისთვის. მე თქვენს არასერიოზულ კითხვებზე პასუხის გაცემას, რა თქმა უნდა, არ ვაპირებ. ცოტა საფუძვლიანი კითხვები დასვით ხოლმე. საზღვარგარეთ როდესაც ქვეყანას სახელს უტეხთ, საფუძვლიანი ინფორმაციები გააგზავნეთ. ამას მართლა გულისტკვილით გეუბნებით, იმიტომ რომ სადაც კი არ წავედი მივლინებით და მაღალი დონის შეხვედრები მქონია, ყველამ იცის თქვენი გვარი. ეს კარგია, მაგრამ როგორ იცის, იცით? ერთი მაღალჩინოსანი ერთი ქვეყნის რამდენიმე თვის წინ მეუბნება, რომ იმიტომ რომ აღარ მივიღო კანდელაკის იმეილები, იმეილის მისამართი შევიცვალეო და მეორე მაღალჩინოსანმა ევროკავშირის წევრი ქვეყნიდან მითხრა ორი თვის წინ, ამდენი რეფორმა თუ ჩაგიტარებია, ამდენი საქმე გიკეთებია, რატომ არ მითხარი, დავიღალე კანდელაკის ტყუილი იმეილების მიღებითო. დავიჯერებ, მერე გადავამოწმებ და აღმოჩნდება, რომ ტყუილს მწერსო, ამიტომ მოდი დავსერიოზულდეთ", - განაცხადა თეა წულუკიანმა.