პანორამა თბილისთან დაკავშირებით საერთაშორისო ორგანიზაციების კრიტიკას თბილისის მერი ეხმაურება.

დავით ნარმანიას თქმით, საერთაშორისო ორგანიზაციებს არასათანადო ინფორმაცია ჰქონდათ მიწოდებული.

„მათი დაინტერესების შემთხვევაში მზად ვართ დეტალური ინფორმაცია მივაწოდოთ, რაც უზრუნველყოფს, რომ ისინი ამ პროექტის აუცილებლობასა და აქტუალობაში დარწმუნდებიან. ეს არ არის პროექტი, რომელიც რამეს ვნებს, პირიქით, როგორც ეკონომიკური, ასევე სოციალური თვალსაზრისით ძალიან მნიშვნელოვანია", - განაცხადა დავით ნარმანიამ.

კულტური მემკვიდრეობის დაცვის სფეროში მომუშავე საერთაშორისო ორგანიზაციები "პანორამა თბილისის" მშენებლობის წინააღმდეგ გამოდიან. ამის შესახებ ბრიტანულ ვეგ გვერდზე Savebritainsheritage-ზე გამოქვეყნებულ პრეს-რელიზშია საუბარი.

განცხადების თანახმად, 13 ორგანიზაციის წარმომადგენელმა, მათ შორის ორგანიზაცია "დავიცვათ ევროპის მემკვიდრეობა", საქართველოს პრეზიდენტს გიორგი მარგველაშვილს წერილით მიმართეს.