უმრავლესობის წევრი ვახტანგ ხმალაძე მიიჩნევს, რომ როდესაც მოსამართლეზე ზეწლა ხდება, აქ სამართალდამცავი ორგანოები უნდა ჩაერიონ და დამნაშავეს პასუხი აგებინონ.

მისი თქმით, მოსამართლეზე ზემოქმედება კანონით ისჯება.

როგორც დეპუტატი ამბობს, გამოხატვის თავისუფლებასა და მოსამართლეზე ზემოქმედებას შორის ზღვარს კანონი ავლებს.

„მეორე მხრივ, როცა მოსამართლეებზეა საუბარი, კანონი ამბობს, რომ მოსამართლეთა საცხოვრებელ ადგილთან და სამუშაო ადგილთან მიტინგების მოწყობა არ შეიძლება. არ შეიძლება მოსამართლეზე ზემოქმედება. რაც შეეხება მუქარას, ეს არავის მიმართ არ შეიძლება. გამოხატვის თავისუფლების ფარგლებში მოქალაქეს შეუძლია თქვას, რომ მას სასამართლოს გადაწყვეტილება არ მიაჩნია სწორად და მაგალითად, ეს მოსამართლე არის ასეთი თუ ისეთი. მაგრამ არ შეუძლია ეს თქვას თქვენზე, რადგან ისინი საჯარო პირები არიან. საჯარო პირების მიმართ თავისუფლების ხარისხი გაცილებით მაღალია და საჯარო პირი ვერც იჩივლებს ამის გამო", - განაცხადა ხმალაძემ.