ბიძინა ივანიშვილი უფრო "კრუტოი" ტიპი მეგონა- არჩილ გამზარდია

პოლიტიკა - 16:10, 21 Sep, 2015

8689

საავტორო გადაცემა „კვირის 20/30“ ყოფილი წამყვანი გაზეთ „ასავალ-დასავალთან“ ინტერვიუში, მისი ტელეკომპანია „ჯიდიესი“-დან წამოსვლის შესახებ საუბრობს და აცხადებს, რომ ბიძინა ივანიშვილმა მასთან მიმართებაში გარკვეული შეცდომები დაუშვა:

,,არ მინდა პერსონების დასახელება, თუმცა იყვნენ ადამიანები, რომლებიც ხელს მიშლიდნენ თავისუფლად მუშაობაში, ყველაფერს აკეტებდნენ იმისთვის, რომ ჩემსა და ბიძინა ივანიშვილს შორის კარგი ურთიერთობა არ ყოფილიყო, გაგიკვირდებათ, მაგრამ ზოგიერთ ადამიანს, რომელზედაც მეუბნებოდნენ აზრი ჰკითხეო, ფორმალურად რა სტატუსი ჰქონდა , დღემდე არ ვიცი.

რაკიღა გამზარდია ვერ დაიმორჩილეს, ვიღაცეებს შიგნით ჩემი არსებობა ხელს არ აძლევდა და გადაწყვიტეს, ტელეკომპანიისთვის ჩამოვეშორებინე

სამწუხაროდ, ისე დახურეს ეს პროექტი ბიძინა ივანიშვილს ჩემთან შეხვედრის ინტერესი არ გამოუხატავს, რამაც ძალიან გამაკვირვა. გულწრფელად გითხრათ, ჩემს მიმართ ბიძინა ივანიშვილმა გარკვეული შეცდომები დაუშვა. თანადგომის მოლოდინი მქონდა, მაგრამ მისგან ეს ვერ მივიღე. არაჩვეულებრივი ურთიერთობა მქონდა მასთან, მის ოჯახთან... იქნებ სულ უსამსახუროდ ვრჩებოდი. ასე მარტივი ხომ არ არის სამსახურის დაკარგვა და შოვნა?!

პირადად მე, ჟარგონულად რომ ვთქვა, ბიძინა ივანიშვილი უფრო "კრუტოი" ტიპი მეგონა. შეიძლება თვითონ არ დამეთანხმოს, მაგრამ ადამიანებში კარგად ვერ ერკვევა.

ივანიშვილის ფსიქოტიპი თუ სწორად გამოვიცანი. ასე მარტივად ხელისუფლებაში არ დაბრუნდება. მას თავისუფლება და ნაკლები ვალდებულებები ხიბლავს“- აცხადებს არჩილ გამზარდია.

წყარო „ასავალ-დასავალი“