თბილისის საკრებულოს თავმჯდომარე გიორგი ალიბეგაშვილი მიიჩნევს რომ "პანორამა თბილისის" პრეოქტი აუცილებლად უნდა განხორციელდეს. ალიბეგაშვილის თქმით, მას შემდეგ, რაც კომუნისტების დროს მეტრო აშენდა, თბილისში მსგავსი მასშტაბის პროექტი არ განხორციელებულა.

"ასეთი დიდი პროექტები, რომლებიც ჩვენი დედაქალაქისთვის აუცილებელია უნდა განხორციელდეს. კომუნისტების დროს, როდესაც თბილისში მეტროს მშენებლობა განხორციელდა, მას შემდეგ ასეთი დიდი მასშტაბის და წარმომჩენი პროექტი თბილისში არ შემუშავებულა და არ განხორციელებულა. მე ვფიქრობ, რომ ეს პროექტი ხელს შეუწყობს დედაქალაქს, რომ ის იქცეს მკვიდრ რეგიონულ ცენტრად," - განაცხადა გიორგი ალიბეგაშვილმა.