მთავარი პროკურორის მოადგილე გიოგრგი გოგაძე პროკურატურაში საკადრო ცვლილებების შესახებ გავრცელებულ ინფორმაციას პასუხობს.

გოგაძე ინფორმაციას არ ადასტურებს და მას სპეკულაციას უწოდებს.

„ეს არის მხოლოდ სპეკულაციები. თუ გაეცანით კანონს, გეცოდინებათ, რა ფორმითაც ხდება ეს. ამიტომ, საუბარი პროკურატურაში საკადრო ცვლილებებზე არის არასწორი. რეფორმა, რომელიც ტარდება პროკურატურაში, უახლოეს პერიოდში თავის შედეგებს მოგვცემს. თუმცა, საუბარი წინასწარ, ვინ იქნება, არავინ იცის. ამიტომ, საუბარი ნებისმიერ კანდიდატზე არის არასწორი“, - გიორგი გოგაძე.

გავრცელებული ინფორმაციით, მთავარი პროკურორი შესაძლოა მისმა მოადგილემ ირაკლი შოთაძემ შეცვალო. ერთ-ერთი ვერსიით მთავარი პროკურორის პოსტს სასჯელაღსრულების მინისტრი კახა კახიშვილი დაიკავებს.