ხელისუფლებას არ შეუძლია ოპონენტებთან სამართლიანი და პატიოსანი დაპირისპირება

ხელისუფლებას არ შეუძლია ოპონენტებთან სამართლიანი და პატიოსანი დაპირისპირება - გაბაშვილი

პოლიტიკა - 12:29, 21 Sep, 2015

1169

„ერთიანი ნაციონალური მოძრაობის“ დეპუტატ გიორგი გაბაშვილის განცხადებით, მოქმედ ხელისუფლებას არ შეუძლია პოლიტიკურ ოპონენტებთან სამართლიანი და პატიოსანი დაპირისპირება, სწორედ ამან გამოიწვია გიგი უგულავას გათავისუფლებით გამოწვეული ისტერია და იმ საქმის ერთ დღეში განხილვა, რომელიც 3 წელი გრძელდებოდა.

„ამ ქვეყანაში და ქვეყნის გარეთაც, ვინც მიმდინარე მოვლენებს თვალყურს ადევნებს, ეჭვი არ ეპარება, რომ ეს იყო ისტერია, რომელიც ხელისუფლებამ მოაწყო. სამარცხვინო და აგონიური მდგომარეობა, რომელიც მიუთითებს იმაზე, რომ მათ პოლიტიკურ ოპონენტთან სამართლიანი, პატიოსანი დაპირისპირება ერთი დღითაც ვერ აიტანეს და საქმე, რომელიც 3 წელი იხილებოდა, ერთ დღეში დაამთავრეს.

ჩვენ ეს გვაძლევს სტიმულს ვიბრძოლოთ და ამ ქვეყანას სამარცხვინო ხელისუფლება მშვიდობიანი და საარჩევნო გზით აუცილებლად ჩამოვაშოროთ.

ეს იქნება ყველა კანონიერი საშუალებით ბრძოლა. ჩვენ ვართ ის პარტია, რომელიც პირველ რიგში სამოქალაქო მშვიდობას უფრთხილდება“, - განაცხადა გიორგი გაბაშვილმა.