სასტუმრო „ქორთიარდ მარიოტში“ მედიაში შექმნილ ვითარებასთან დაკავშირებით დისკუსია იმართება, რომელსაც დიპლომატიური კორპუსის წარმომადგენლები ესწრებიან.

დისკუსია "საერთაშორისო გამვირვალობა -საქართველოს" ორგანიზებით იმართება.

ორგანიზაციის აღმასრულებელი დირექტორის ეკა გიგაურის თქმით, მსგავსი ფორმატის შეხვედრები და დისკუსია მნიშვნელოვაია იმისთვის, რომ მედიის წარმომადგენლებმა საერთაშორისო ორგანიზაციებისა და საელჩოების წარმომადგენლებს მედიაში არსებული ვითარების შესახებ ინფორმაცია მიაწოდონ.

„ბოლო პერიოდში ბევრი არასასურველი ტენდენცია შეიმჩნევა. მაგალითად "რეკლამის შესახებ" კანონი რომ ავიღოთ, რომელიც გარკვეულწილად უზღუდავს ზოგიერთ მედიასაშუალებას შემოსავლის წყაროებს. პრობლემურია ასევე თოქ-შოუების დახურვაც. ამ მიმართულებით ბევრი კითხვა ისმის. მნიშვნელოვანია, რომ მეგობარი ქვეყნების საელჩოების და საერთაშორისო ორგანიზაციების წარმომადგენლებმა პირდაპირ მედიასაშუალებების წარმომადგენლებისგან მიიღონ ინფორმაცია მედიაში არსებული ვითარების შესახებ“, - ამბობს გიგაური.