ინფრასტრუქტურის მინისტრის ნოდარ ჯავახიშვილის თქმთ, ეროვნული ბანკიდან ზედამხედველობის სამსახურის გამოყოფა არასწორი ნაბიჯია.

თუმცა როგორც „კვირის პალიტრასთან“ საუბარში ჯავახიშვილი ამბობს, კონკრეტულ ვითარებაში ეს სწორი გადაწყვეტილებაა იყო.

"ვფიქრობ, ეს არასწორი ნაბიჯია, მაგრამ კონკრეტულ ვითარებაში სწორი გადაწყვეტილებაა", - განაცხადა ჯავახიშვილმა.

იგი არ იზიარებს ოპონენტების განცხადებას, რომ ცვლილება გიორგი ქადაგიძის წინააღმდეგ არის მიმართული.

"ყველა გადაწყვეტილება, რომელსაც ხელისუფლება იღებს, პოლიტიკურია, მაგრამ ეს არ ნიშნავს იმას, რომ ზედამხედველობის სამსახურის გამოყოფა ქადაგიძის წინააღმდეგ არის მიმართული. ხელისუფლებაში გარკვეული ჯგუფი მიიჩნევს, რომ ჯობია, ეროვნულ ბანკს ბანკებზე ზემოქმედების ეს იარაღი არ ჰქონდეს და ფულად-საკრედიტო პოლიტიკით დაკავდეს. ჩემი აზრით, კი ფულადსაკრედიტო პოლიტიკის გატარება პრობლემა იქნება, თუ ეროვნული ბანკი ბანკთა ბანკი არ იქნება. ეროვნული ბანკი ბანკების მამინაცვალი კი არა, მამა უნდა იყოს, მაგრამ ეს ჩემი აზრია და არ ნიშნავს, რომ აპრიორი სწორს ვამბობ", - აცხადებს ნოდარ ჯავახიშვილი.