გიგი უგულავას შეფასებით, ოპოზიციური პარტიები მიდიან იმ კონდიციამდე, რომ დღეს მთავარი პრობლემა არის ბიძინა ივანიშვილია.

"არ ვგულისხმობ პრო რუსულ პარტიებს, მათთან ჩემი, ჩვენი თანამშრომლობა შეუძლებლად მიმაჩნია. როგორც გამოჩნდა, ოპოზიციური პარტიები ნელ-ნელა მიდიან იმ კონდიციამდე, რომ დღეს მთავარი პრობლემა ბიძინა ივანიშვილია. თუ ჩვენ კორდინაცია გვექნება, ეს პრობლემა მოგვარდება",- აღნიშნა გიგი უგულავამ "რუსთავი 2"- თან საუბრისას.

მისი განცხადებით, "ის რომ ივანიშვილი არის პრობლემა" ოპოზიციის პროგრესუყლად მოაზროვნე ნაწილს კარგად ესმის.

"ალასანიას გუნდთან ერთად ეს ესმის ბაჩუკი ქარდავას, ახალ მემარჯვებსაც და სხვა პოლიტიკურ პარტიებს. ეს განცდა კი იძლევა შესაძლებლობას, რომ სხვადსხვა პოლიტიკურ პარტიებთან ვითანამშრომლოთ",- განმარტა თბილისის ყოფილმა მერმა.

მანამდე ჟურნალისტი დაინტერესდა რას ფიქრობს თბილისის ყოფილი მერი თავისუფალ დემოკრატებთან შესაძლო გაერთიანებაზე.

რაზეც უგულავამ განაცხადა, რომ ნაციონალური მოძრაობა და ალასანიას გუნდი წარსულზე ვერ შეთანხმდებიან.

„ჩვენ ვერ შევთანხმდებით წარსულზე, ისინი მუდმივად ისაუბრებენ 9 წლიან მმართველობაზე, მე ყოველთვის წამოვაძახებ იმ 2 წელს, რაც მათ ივანიშვილის მთავრობაში გაატარეს. მოსახლეობას დღეს წარსულზე საუბარი არ უნდა, ჩვენ უნდა ვისუაბროთ მომავალზე,“ - განაცხადა გიგი უგულავამ და თავისუფალ დემოკრატებს მისი მხარდამჭერი განცხადებების გამო მადლობა გადაუხადა.