„ერთიანი ნაციონალური მოძრაობის“ ერთ-ერთი ლიდერი გიგა ბოკერია აცხადებს, რომ ბიძინა ივანიშვილის აეართხელ მოუხდენია დემონსტრირება იმისა, რომ პირადად არის ჩართული სისხლის სამართლის საქმეებში და დეტალურად იცის გახმაურებული საქეების ირგვლივ მიმდინარე პროცესები.

როგორც ენმ-ს წევრმა „შაბათის ქრონიკაში“ ჩართვისას აღნიშნა, საქართველოში არსებულ პოლიტიკურ დევნაზე საუბრობს ცივილიზებული სამყაროც.

„პოლიტიკური შეფასება გააკეთა ეუთოს სადამკვირვებლო მისიამ, მათი დასკვნა იყო მკაფიო რომ უამრავი სისტემური ხასიათის პროცესიალური დარღვევა იყო ამ პროცესებში. ისინი საუბრობენ, რომ ადგილი ჰქონდა პოლიტიკურ ჩარევას“,- განაცხადა ბოკერიამ.

მისი თქმით, ადამიანი პოლიტ პატიმარი ხდება მაშინ, როცა სასამართლო გადაწყვეტილებაში მთავრობის ჩარევა ხდება.

ჟურნალისტტი ასევე დაინტერესდა, რამდენად არის დასაშვები რომ გიგი უგულავას მართლაც გაეფლანგა საბიუჯეტო თანხები.

"საკითხს, როგორც თქვენ ახალა სვამთ, ეს არის მართლმსაჯულებისთვის კატასტროფული ლოგიკა. ხომ შეიძლება თქვენ, ქალბატონო დიანა, იყოთ დამნაშავე რომელიმე საქმეზე თქვენი ცხოვრების მანძილზე? ზოგადად ადმინისტრაციული რესურსის გამოყენება, მართველი პარტიის სასარგებლოდ არსებობდა ჩვენ ქვეყანაში, მაგრამ როცა ადამიანს ბრალს უყენებ უნდა გქონდეს მტკიცებულება. ჩვენ კარგად გვახსოვს კახი კალაძისა და ირაკლი ღარიბაშვილის ტელეეთერებით გაკეთებული განცხადებები, როგორ ჰპირდებოდნენ აქტივისტებს დასაქმებას სტრუქტურებში, ასეც მოხდა... გიგი უგულავას ვერ დაუმტკიცეს ვერც ერთი ბრალი",- აღნიშნა ბოკერიამ.

მისი თქმით, წინა ხელისუფლების მთავარი მონაპოვარი იყო სასამართლოს კორუფციისგან გათავისუფლება.

"წინა ხელისფლების დროს სუსტი რგოლი იყო სასმართლო რეფორმა, სასამართლო გათავისუფლდა კორუფციისგან, მაგრამ არ იყო საკმარისად ძლიერი პროკურატურისთვის გაეწია წინააღმდეგობა",- აღნიშნა ენმ-ს ლიდერმა.