გიგი უგულავას ადვოკატები მოსამართლის მიერ მიღებული განაჩენის გამამტყუნებელ ნაწილს სააპელაციო წესით გაასაჩივრებენ.

როგორც ადვოკატმა ბექა ბასილაიამ განაცხადა, უგულავას დაცვის მხარე ყველა სამართლებრივ ზომას მიმართავს.

„მოცულობაში რაც დღეს გვაქვს სამართლებრივი გზები საკმაოდ შეზღუდულია, იმიტომ, რომ სასამართლოზე არის უპრეცედენტო ზეწოლა. აქედან გამომდინარე მნიშვნელოვანი იქნება არასამთავრობო ორგანიზაციებისა და დიპლომატიური კორპუსის აქტიურობა. მჯერა რომ სასამართლოს ინსტანციების გავლამდეც ჩვენ ვიპოვნით იმ სამართლებრივ მექანიზმებს, რითიც ხელისუფლებას უკან დავახევინებთ,“ - აცხადებს ბექა ბასილია.