უმრავლესობის წევრი გია ვოლსკი საკონსტიტუციო სასამართლოს თავმჯდომარეს მოუწოდებს აჟიოტაჟის შექმნას თავი დაანებოს.

როგორც ვოლსკი პაპუაშვილი განცხადების კომენტირებისას განაცხადა, საკითხისადმი კრიტიკული დამოკიდებულება ზეწოლას არ ნიშნავს.

„ზეწოლა არის ის, როდესაც რაიმე გადაწყვეტილების მიღებაზე გავლენას იქონიებ. როგორც ვიცი, მასზე არავითარი გავლენა არავის არ ჰქონია. თუ საზოგადოების განწყობაზე საუბრობს, ამ საზოგადეობასთან მე და ჩემს კოლეგებს არავითარი კავშირი არ გვქონია. თუ არის საჭირო სამართლადამცავების ჩარევა, მათ უნდა აღკვეთონ თუკი რამე უკანონო არსებობს. მე ვთხოვ მას, დაანებოს თავი ასეთი აჟიოტაჟის შექმნას და იმის თქმა, რომ თითქოს რაღაცა ხდება“, - განაცხადა ვოლსკიმ.

საკონსტიტუციო სასამართლოს თავმჯდომარე გიორგი პაპუაშვილი მოსამართლეებზე განხორციელებულ ზეწოლაზე საუბრობს.

მისი თქმით, აღნიშნულთან დაკავშირებით ინფორმაცია უკვე მიაწოდა დიპლომატიურ კორპუსს და შინაგან საქმეთა მინისტრს.

როგორც პაპუაშვილმა აღნიშნა, საკითხთან დაკავშირებით გიორგი მღებრიშვილს გუშინ ესაუბრა.

კონრეტულად ვინ ახორციელებს ზეწოლას, პაპუაშვილი არ აკონკრეტებს და ამბობს, რომ ეს გამოძიების საქმეა.