ჟურნალისტი ინგა გრიგოლია სალომე ზურაბიშვილის განცხადებას ეხმაურება, სადაც „საქართველოს გზის“ საპატიო თავმჯდომარე ამბობს, რომ ქვეყანაში მიმდინარე მოვლენების ფონზე საზოგადოებას გადაცემა „რეაქციის“ დახურვაზე რეაქცია არ უნდა ჰქონდეს.

„ოი....ოი........ქალბატონო სალომე -გრიგოლიას ,,რეაქციაო,,??!!... ,,რეაქციის,, დახურვის რეალურ მიზეზებს საზოგადოება მალე გაიგებს,ძალიან მალე))))))))))))თქვენ კი, ნუღა იტყვით ნუღარასოდეს(პრინციპში, არც არასდროს დამიჯერებია, ჩემდა საამაყოდ), რომ საერთოდ გაღელვებთ დასავლური ღირებულებები... სიტყვა... თავისუფლება და ა.შ.... დანარჩენის დაწერა მეზარება.... ჩემი საქმით თქმა მირჩევნია, ვიდრე ფბ-ზე სტატუსებით პასუხი“, - წერს გრიგოლია.

სალომე ზურაბიშვილი გიგი უგულავას გათავისუფლებასთან დაკავშირებით საკონსტიტუციო სასამართლოს გადაწყვეტილებას სოციალურ ქსელში გამოეხმაურა.

„....1 იმ პროკურატურას რა ვუთხარი, რომელიც გიგი უგულავას ბრალს ვერ უმტკიცებს თითქმის წელიწადია.

2. იმ “თავისუფალ” სასამართლოს რომელსაც განაჩენი 9 თვეა 2 საქმეზე ვერ გამოაქვს,

3. საზოგადოებას რომელსაც ამ ყველაფერზე რეაქცია არ აქვს და გრიგოლიას რეაქციას მისტირის,

4. პოლიტიკოსებს რომლებსაც უგულავასგან განტევების ვაცი გამოყავთ და ჩაგრულის მანტიას არგებენ და ბოლოს.

მე- 5. მთავრობას რომელმაც თავი გაიფარჩაკა და ესე დასაცინად გაიხადა საქმე და 3 წელია იძახის თქვენ ჩვენზე უარესები იყავითო, საქმე იქამდე მიიყვანეთ რომ საკონსტიტუციო სასამართლო საჯილდაო ქვად აქციეთ და კონსტიტუცია ფარატინა ქაღალდად და ამით სახელმწიფოს აყენებთ შეურაცხყოფას თუ ასეთი მცნება გაგვაჩნია საერთოდ (როგორც ქუთაისის კოლორიტი ბ-ნი გოგი წულაია იტყოდა ამ კონსტიტუციას ისე ჭრიან და კერავენ ვეღარ გავიგე კონსტიტუციაა თუ შარვალკოსტუმიო) ასე რომ ხელისუფლების საყურადღებოდ მოექეცით კანონის ჩარჩოებში . თუ არ გაქვთ თავი მაშინ გამოუშვით უგულავა და ახალაია და რასაც მიიღებთ ნახავთ და თუ გამოვლენ და ამას ხალხი გადაყლაპავს მართლა ფურთხის ღირსები ვყოფილვართ! “ – წერს სალომე ზურაბიშვილი.