თბილისის ყოფილი მერის გიგი უგულავას თქმით, ბიძინა ივანიშვილს მის მიმართ ბრძოლა არ დაუმთავრება.

როგორც სასამართლო დარბაზიდან გათავისუფლების შემდეგ უგულავამ განაცხადა, წინ შვიდი სასამართლო პროცესი აქვს და არ გამორიცხავს, რომ კვლავ პატიმრობაში დააბრუნონ.

„ბიძინა ივანიშვილს ჩემთან მიმართებაში ბრძოლა არ დაუმთავრებია. ნახეთ, როგორ მოიქცა მოსამართლე ტურავა. აქ უკვე კითხვის ნიშნები არ არსებობს. თქვენ კარგად ხედავდით, რა დღეში იყო პროკურატურა, რომელსაც სრულიად დაუსაბუთებელი და თითიდან გამოწოვილი არგუმენტები მოჰყავდათ, რომ უფრო გაეწელათ პროცესი. დარწმუნებული ვარ, ესენი ჩასაფრდებიან და შეეცდებიან, პირველივე მოსახვევში კვანტი დამიდონ. წინ შვიდი სასამართლო მაქვს და თუ გავითვალისწინებთ იმას, თუ როგორ იქცევიან, გარანტია არაფრის არ არის“, - განაცხადა უგულავამ