„ნაციონალური მოძრაობის“ წევრი ირმა ნადირაშვილი პრეზიდენტს და სახალხო დამცველს გიგი უგულავასთან დაკავშირებით საჯარო განცხადების გაკეთებისკენ მოუწოდებს.

ამის შესახებ ნადირაშვილმა საქალაქო სასამართლოში განაცხადა, სადაც ტელეკომპანია „იმედის“ და რიყის გასხვისების საქმეზე უგულავას პროცესი მიმდინარეობს.

დეპუტატი დარწმუნებულია, რომ თბილისის ყოფილი მერი საპატიმროს დღეს დატოვებს.

„დარწმუნებული ვარ, რომ გიგი უგულავა დღეს გარეთ გამოვა. ამ ხელისუფლების ადგილზე ყოფნას არ ვისურვებდი, რადგან ისინი გამოუვალ მდგომარეობაში არიან. ყოველი წუთი, რომელსაც უგულავა ციხეში გაატარებს, ამ მთავრობის პოლიტიკურ დასასრულს მოაახლოებს. მოვუწოდებ გიორგი მარგველაშვილს რომელიც ამბობს, რომ კონსტიტუციის გარანტია, გამოვიდეს და თქვას რას ფიქრობს. ბიძინა ივანიშვილის პინგვინებმა რომ გათელეს დღეს მთალი კონსტიტუცია. მოვუწოდებ უჩა ნანუაშვილს და გამოვიდეს და ამ აბსურდის თეატრთან დაკავშირებით განცსადება გააკეთოს", - განცხადა ირმა ნადირაშვილმა.