უმრავლესობის წევრის გია ვოლსკის თქმით, საკონსტიტუციო სასამართლოს გადაწყვეტილება კანონის შესაბამისად უნდა აღსრულდეს.

ამის შესახებ ვოლსკიმ ჟურნალისტებთან საუბრისას განაცხადა.

მან მოსამართლე მერაბ ტურავაზე განხორციელებულ ზეწოლაზეც ისაუბრა.

„როგორც არის სამართლის მოთხოვნა და როგორიც არის გადაწყვეტილება, უნდა იყოს ეს გადაწყვეტილება აღსრულებული. მოგვწონს ეს თუ არ მოგვწონს. მე ვიცი, რომ სქელტანიანი გადაწყვეტილებაა და ვიცი, რომ ტურავაა თუ სხვა დეტალურად უნდა გაეცნოს ამ გადაწყვეტილებას და ამის შემდეგ მოაწეროს ხელი. ესეთ მნიშვნელოვან თემაზე ფაციფუცით და ზეწოლით გადაწყვეტილების მიღება არ შეიძლება. ზეწოლას ახორციელებს თავად საკონსტიტუციო სასამართლოს თავმჯდომარე“, - ამბობს ვოლსკი.

როგორც ცნობილია საკონსტიტუციო სასამართლომ დედაქალაქის ყოფილი მერის სარჩელი უკანონო პატიმრობასთან დაკავშირებით ნაწილობრივ დააკმაყოფილა.