„ნაციონალური მოძრაობის“ წევრის გივი თარგამაძის თქმით, უგულავას პატიმრობაში დატოვებით კონსტიტუციის გათელვა ხდება.

ამის შესახებ თარგამაძემ მატროსოვის ციხესთან განაცხადა, სადაც თანაგუნდელებთან ერთად უგულავას გათავისუფლებას ითხოვდა.

მისი თქმით, უნდა მოხდეს თბილისის ყოფილი მერის დროულად გათავისუფლება.

"როგორც ჩანს თავხედმა მოქალაქემ დაიძინა და დაიბარა, რომ გათელონ ფეხქვეშ კონსტიტუცია. ყველაზე სამწუხარო ის არის, რომ ყველა სახელმწიფო სტრუქტურა ამ ახირებას ზედმიწევნით ასწულებს",- განაცხადა გივი თარგამაძემ.