ასლანოვების საცხოვრებელ სახლს ლაგოდეხის რაიონის სოფელ კაბალში სეტყვის საწინააღმდეგო ჭურვი დაეცა. შემთხვევა მაშინ მოხდა, როცა კომპანია "დელტამ" სპეციალური დანადგარიდან გასროლა განახორციელა.

შემთხვევის შედეგად ოჯახში არავინ დაშავებულა, თუმცა, დაზიანდა სახლის სახურავი და კედელი. ჭურვის დაცემის შედეგად გაჩენილმა ხანძარმა რამდენიმე საყოფაცხოვრებო ნივთიც დააზიანა. კრიმინალისტებმა ჭურვი ექსპერტიზაზე გადაიტანეს.

როგორც „ნიუპოსტს“ შს სამინისტროში განუცხადეს, მომხდართან დაკავშირებით გამოძიება 188-ე მუხლით მიმდინარეობს, რაც სხვისი ნივთის განძრახ დაზიანებას გულისხმობს.