სასჯელაღსრულების მინისტრმა კახი კახიშვილმა გიგი უგულავას გათავისუფლებასთან დაკავშირებით საკონსტიტუციო სასამართლოს გადაწყვეტილება ღამის 4 საათზე ჩაიბარა.

დოკუმენტი მას უგულავას ადვოკატმა გადასცა. რაც შეეხება უგულავას გათავისუფლებას, მინისტრის თქმით, გადაწყვეტილებას კონკრეტული სასჯელაღსრულების დაწესებულება მიიღებს.

„კანონის შესაბამისად, პირის გათავისუფლებას წყვეტს არა მინისტრი, არამედ კონკრეტული სასჯელაღსრულები დაწესებულების დირექტორი. შესაბამისად, გაუქმებული ნორმების საფუძველზე, რამდენ პირსაც შეეხება გათავისუფლება, გადაწყვეტილებას მიიღებენ დირექტორები. ვინაიდან ჩვენ გვაქვს უპრეცენდენტო შემთხვევა, ასეთი რამ საქართველოში არ ყოფილა. ჩვენ რა თქმა უნდა გვჭირდება შესწავლისთვის დრო. მე ვარ მინისტრი, ვერ ვისაუბრებ კონკრეტულად თავად ამ გადაწყვეტილების მიღების პროცედურების დაცვაზე და ა.შ. ეს არ არის ჩემი საქმე, კითხვის ნიშნები არსებობს, მე იმედი მაქვს, რომ შესაძლებელია დაინტერესედნენ ამ საქმით, მაგრამ მიუხედავად იმისა, რომ შესაძლებელია რაღაც ხარვეზები იყოს მე ეს გადაწყვეტილება უნდა ჩავიბარო და აღვასრულო“, - განაცხადა კახი კახიშვილმა.