გახდება თუ არა კახა კალაძე "ოცნების" განტევების ვაცი

პოლიტიკა - 18:03, 16 Sep, 2015

6583

იურისტი ვალერი გელბახიანი გაზეთ „ალიასთან“ უახლოეს მომავალში ქართულ პოლიტიკაში მოსალოდნელ ცვლილებებზე საუბრობს. გელბახიანის თქმით არჩევნებამდე 6 თვით ადრე კოალიციაში რღვევა დაიწყება და ამავე პერიოდში მოხდება ბიძინა ივანიშვილის პოლიტიკაში დაბრუნება.

„სოციალურ გამოკითხვებში, ფაქტობრივად უკვე ჩანს, რომ კოალიცია „ქართულ ოცნებას“ არჩევნებში მოსაგები რეიტინგი არ აქვს, გამომდინარე აქედან, დაწყებულია ფიქრი, რომ გაარღვიონ უნდობლობა და დაარწმუნონ მოსახლეობა იმაში, რომ მათ შეუძლიათ , გააუმჯობესონ სოციალური მდგომარეობა. აქ არის მხოლოდ ერთადერთი გამოსავალი, შექმნილი მძიმე ეკონომიკური და სოციალური ფონის გადაბრალება მოხდეს ერთმანეთზე, მოიძებნოს განტევების ვაცები და თქვან, რომ ეს იყო მათი ბრალი და აღარ განმეორდება, თუკი ჩვენ მხარს დაგვიჭერთ.“- აცხადებს გელბახიანი.

კითხვაზე თუ რატომ გახდა სიის პირველი ნომრის კახი კალაძის შეცვლის აუცილებლობა და რატომ დაიწყო საუბარი , რომ სიის სათავეში ბიძინა ან უტა ივანიშვილი შეიძლება აღმოჩნდეს, გელბახიანი აცხადებს, რომ კალაძე თანამონაწილეა იმ პროცესების რაც დღეს საქართველოში მიმდინარეობს:

„შეიძლება, რაღაც ნაწილში ასეც იყოს, რომ კალაძემ, როგორც სიის პირველმა ნომერმა, ვერ გაამართლა. რა თქმა უნდა , მოსახლეობის სოციალური ფონის დამძიმებაში კალაძის როლი არსებობს, ვგულისხმობ ელექტროენერგიისა და გაზის გადასახადის გაძვირებას. მან ვერ უზრუნველყო ვერც სათანადო კომპენსაციები და ბევრი მიმართულებით აქვს მას ჩავარდნა. მან ბიზნესში გამოიჩინა პირადი მონაწილეობა, შესულია კორუფვციულ გარიგებაში , სახელმწიფოს ხარჯზერ შოულობს ის ფულს. აქედან გამომდინარე, კალაძე, როგორც პოლიტიკური ფიგურა, აღარ მოჩანს ისეთი სიკაშკაშით, როგოც აქამდე ჩანდა და როცა ხალხს მის სფეროში უმძიმდება ყოფითი პრობლემები, უძვირდება სამომხმარებლო ტარიფი, რა თქმა უნდა , მოსახლეობა ამას კალაძეს მიაწერს“- აცხადებს გელბახიანი,