საკონსტიტუციო სასამართლოს თავმჯდომარე გიორგი პაპუაშვილი და მოსამართლეები მერაბ ტურავას მოსანახულებლად საავადმყოფოში იმყოფებიან.

ინფორმაცია „ნიუპოსტს“ საკონსტიტუციო სასამართლოს პრესსამსახურში დაუდასტურეს.

რა მიზანს ემსახურება ვიზიტი, არ კონკრეტდება.

გავრცელებული ინფორმაციით, პაპუაშვილმა ტურავას უგულავას საქმეზე საკონსტიტუციო სასამართლოს გადაწყვეტილება ხელმოსაწერად მიუტანა.

როგორც ცნობილია, მოსამართლე მერაბ ტურავა, რომელსაც გიგი უგულავას საქმეზე საკონსტიტუციო სასამართლოს გადაწყვეტილება უნდა გამოეცხადებინა, ამ დრომდე საავადმყოფოშია მოთავსებული.

შეგახსენებთ, სწორედ აღნიშნული მიზეზის გამო გადაიდო გუშინ უგულავას საქმეზე განაჩენის გამოცხადება.