დევალვაცია აუცილებლად გამოიწვევს ინფლაციას - ექსპერტები ვალუტის გაუფასურებაზე საუბრობენ

პოლიტიკა - 12:12, 16 Sep, 2015

3455

ლარის დევალვაცია შესაძლოა უკვე ინფლაციაში გადაიზარდოს. ეკონომიკური ექსპერტების შეფასებით, ეროვნული ვალუტის გაუფასურების ტენდენცია გაგრძელდება, რასაც ხელს უწყობს ტურისტული სეზონის დასრულებაც, შემცირებული გადმორიცხვები და რუსეთზე დამოკიდებულება.

„დევალვაცია აუცილებლად გამოიწვევს ინფლაციას, ნავთობის ფასის კლებისკენ არის საქმე წასული, ეს გამოიწვევს ალბათ რუბლის დასუსტებას, სამწუხაროდ ჩვენ უფრო მიბმული ვართ რუსეთზე, ამიტომ ეს დაგვარტყამს, ასევე დაგვარტყამს აზერბაიჯანში მანათის სისუსტე. ქვეყნის შიგნით კი გრძელდება უპასუხისმგებლებო პოლიტიკა, რადგან ლამის ყველაფრის სუბსიდირებაზე გადავედით,“ - განაცხადა გიგა ბედინეიშვილმა

კერძო ბანკებში ერთი ლარი დოლართან მიმართებით ორ ლარსა და 50 თეთრს გადასცდა, ევრო კი 2 ლარსა და 80 თეთრამდეა.

„ლარის გაუფასურების ტენდენცია ძირითადად გამოიწვია ტურისტული სეზონის დასასრულმ. საკმარისია მცირეოდენი რყევა იქნება ეს ტურიზმის თუ სხვა სფეროში, რომ იმ მყისვე აისახება ლარის კურსზე, შესაძლოა დღევანდელმა ახალი ნიშნული იპოვოს და კიდე უფრო გაუფასურდეს,“ - განაცხადა ბესო ნაჩბაიძემ.

ექსპერტებმა ლარის გაუფასურების შესახებ "რუსთავი-2" თან ისაუბრეს.