თითქოს ხელისუფლება ფეხბურთის არჩევნებში ერევა, ეს არის დიდი სიცრუე

თითქოს ხელისუფლება ფეხბურთის არჩევნებში ერევა, ეს არის დიდი სიცრუე - კალაძე

პოლიტიკა - 11:10, 16 Sep, 2015

1488

ვიცე-პრემიერი კახა კალაძე ფეხბურთის ფედერაციის საარჩევნო პროცესში ხელისუფლების ჩარევას კატეგორიულად უარყოფს. კალაძე ოპონენტებს ურჩევს, რომ თავი შეიკავონ განცხადებების გაკეთებისგან იმის შესახებ, რომ სახელმწიფო ფედერაციის არჩევნებში ერევა.

„თავს შევიკავებ გავაკეთო განცხადებები, თუ რომელ კანდიდატს ვუჭერ მხარს, რადგან ეს შეიძლება გამოიყენონ ისევ ჩემი და ჩემი გუნდის საწინააღმდეგოდ. თითქოს მთავრობა ერევა ფეხბურთის არჩევნებში, ეს არის ძალიან დიდი სიცრუე. არაერთხელ გამიკეთებია განცხადება და კიდევ ერთხელ გავიმეორებ, რომ ჩვენი მხრიდან არავითარი ჩარევა არ იქნება. თუ ჩარევაში გულისხმობენ იმას, რომ კონკრეტული პიროვნების, ერთ-ერთი კანდიდატის, მაგალითად, რევაზ არველაძის პრეზენტაციაზე იმყოფებოდნენ კოალიციაში შემავალი ერთ-ერთი პარტიის ხელმძღვანელები - თოფაძე, ტყემალაძე მყავს მხედველობაში და ისინი ღიად აფიქსირებენ ბატონი რევაზ არველაძის მხარდაჭერას, ვფიქრობ, რომ არასწორი იქნება ამაზე გავაკეთოთ აქცენტი.

ჩვენ გარკვეული ადამიანებისაგან ვისმენთ, თითქოს ხელისუფლება ერევა, უხერხულია. ვფიქრობ, უმჯობესი იქნება ამ ადამიანებმა თავი შეიკაონ, რადგან თვითონ ეს ადამიანები გახლავთ მიხეილ სააკაშვილის მიერ ფეხბურთის ფედერაციაში კონკრეტულ თანამდებობებზე დასმული“, - განაცხადა კახა კალაძემ.