"ქართული ოცნების" აღმასრულებელი მდივანი ირაკლი კობახიძე საარჩევნო სიაში პირველ ნომრად ბიძინა ივანიშვილის გამოჩენას არ გამორიცხავს. კობახიძე არ ადასტურებს ამ საკითხთან დაკავშირებით ყოფილ პრემიერთან კნსულტაციების მიმდინარეობას მაგრამ ამბობს, რომ პარტიის რებრენდინგი უკვე დაწყებულია.

კოალიციაში ცვლილებების აუცილებლობაზე უმრავლესობის დეპუტატებიც საუბრობენ. მმართველი გუნდის ნაწილი პარტიის ახალ სახეებთან დახურულ რეჟიმში კონსულტაციებით უკმაყოფილოა. როგორ მოხდება საარჩევნოდ კოალიციაში შემავალი სუბიექტების გადანაწილება, ამ ეტაპზე უცნობია. ყველაზე ხშირად განსხვავებულ აზრს "რესუბლიკელები" აფიქსირებენ, თუმცა ცნობილია, რომ ჯერჯერობით კოალიციის დატოვებას პარტია არ გეგმავს.